Култуура боппуруостарын тула кэпсэттилэр
Сунтаар улууһун баһылыга Анатолий Григорьев СӨ Култууратын саҥардыы анаммыт миниистирэ Афанасий Ноевы кытары көрүстэ. Кэмпэндээйи, Кириэстээх нэһилиэктэригэр култуура кииннэрин тутуу, СӨ Ил Дархана Сунтаарга сырыытыгар Элгээйитээҕи Айылҕа түмэлин үөрэҕирииттэн Култуура министиэристибэтигэр көһөрөргө этиитин тустарынан уонна С.А. Зверев-Кыыл уола 125 сылыгар анаан Өрөспүүбүлүкэ Ыһыаҕын тэрийии боппуруостарын, о.д.а. кэпсэттилэр.
Сенатордыын көрүстүлэр
Сунтаар улууһун баһылыга Анатолий Григорьев, Ил Түмэн дьокутааттара Андрей Николаев, Афанасий Постников Арассыыйа Федеральнай Сэбиэтин сенатора Сахамин Афанасьевы кытары көрүстүлэр. Саҥа дуоһунаһыгар ситиһиилээх үлэни баҕардылар, улуус дьонун-сэргэтин аатыттан алгыс тылларын анаатылар.
Бу туһунан улуус дьаһалтатын пресс-сулууспата иһитиннэрэр.
«Сунтаар сонуннара» хаһыат.