Улууспут хаһыатыгар бу сыл иккис аҥаарыгар сурутуу салгыы бара турарын санатабыт. Билиҥҥи туругунан 400-тэн тахса киһи сурутта. Оттон сыл бастакы аҥаарыгар 1000-ча кэриҥэ сурутааччылаах этибит. Бу өрөспүүбүлүкэ улууустарыгар бастыҥ көрдөрүү диэн биһиги үөһээҥи тэрилтэбит — «Сахабэчээт» САТ сыаналыыр. Онтон биһиги, хаһыатчыттар, үөрэбит, хаһыаты сурутааччыларбытыгар дириҥник махтанабыт.
Билигин туохха барытыгар сыана күн-түүн үрдээн иһэр кэмигэр сурутуу сыаната хаһыс да сылын биир кэминэн турар. Оттон хаһыат бэчээттэнэригэр туттуллар матырыйааллларбытын билиҥҥи ырыыынак сыанатынан атыылаһан олоробут.
«Сунтаар сонуннара» хаһыакка алта ыйга сурутуу баара-суоҕа 619,32 солкуобай. Сыл иккис аҥаарыгар сурутууну почта бары отделениеларыгар, ону сэргэ эрэдээксийэ бэйэтэ ыытар. Дьоҥҥо табыгастаах буоллун диэн бастаап нөҥүө эмиэ ыытабыт. Ону сэргэ Арассыыйа почтатын сайтыгар podpiska.pochta.ru киирэн эбэтэр бу үөһээ ойууга көстөр QR коду төлөпүөҥҥэ даҕайан онлайн сурутуу оҥоруоххутун сөп.
Хаһыакка сурутуу бэс ыйын 20 күнүгэр диэри ыытыллар. Онон бу хаалбыт кэмнэри баттаһа, бэрт элбэх сонуннардаах, интэриэһинэй суруйуулардаах улууспут соҕотох хаһыатыгар «Сунтаар сонуннарыгар» суруттарыҥ, улуус, өрөспүүбүлүкэ, дойду ис дьиҥнээх сонунун, история чахчыларын о.д.а. ааҕыҥ, биһигинниин буолуҥ диэн ыҥырабыт.
Маны таһынан Үлэ, Саас, Улуу Кыайыы бырааһынньыктарынан «Бэтэрээҥҥэ хаһыатта суруттар» аахсыйаны «Сахабэчээт» ыытар. Аахсыйаҕа кыттыһан, биирдиилээн дьон, тэрилтэлэр улууспут хаһыатыгар үлэ, тыыл, сэрии бэтэрээннэригэр суруттаран дьоһуннаах бэлэх оҥоруоҕуҥ.
«Сунтаар сонуннара» хаһыат