Уһун Күөл нэһилиэгэр атырдьах ыйын 28 күнүгэр нэһилиэктээҕи «Арассыыйа Ийэлэрэ» түмсүү көҕүлээһининэн Л.А.Попов аатынан искибиэр хомуйуутугар уонна мас олордуутугар субуотунньук буолла. Бу күн бөх-сах хомуллан, хаппыт мас эрбэнэн, тиэллэн, сыбаалкаҕа илдьэн тоҕулунна. Татьяна, Николай Игнатьевтар тэтиҥ мас аҕалан олортулар. Иван Наумов, Александр Афанасьев түөрт бузина маһы олортулар. Нэһилиэк ыраас буоларын туһугар, олохтоохтор көхтөөхтүк кытыннылар.
Төрөөбүт дойдубутун өссө чэчирэтэн үчүгэйи үксэтэ туруоҕуҥ! Тэрээһиҥҥэ кыттыбыт бар дьоммутугар улахан махталбытын тириэрдэбит.
Веталина КОНСТАНТИНОВА,
нэһилиэктээҕи «Арассыыйа Ийэлэрэ» түмсүү салайааччыта.