«Сыл учуутала — 2023» өрөспүүбүлүкэтээҕи куоҥкуруска
Балаҕан ыйын 28 – алтынньы 4 күннэригэр Дьокуускай куоракка сылын аайы ыытыллар «Учитель года РС (Я) — 2023 г.» өрөспүүбүлүкэтээҕи күрэс буолла. Биһиги улууспутуттан бу куоҥкуруска Сунтаардааҕы политехническай лиссиэй-интэринээт технологияҕа учуутала Любовь Федорова кытынна. Любовь Георгиевна үс күннээх уустук түһүмэхтэрдээх тыҥааһыннаах киирсии кэнниттэн, иккис туурга 15 бастыҥнар кэккэлэригэр киирэн, лауреат буолары ситистэ.
Үрдүкү наҕарааданы туттулар
Алтынньы 5 күнүгэр, Учуутал күнүгэр, Саха өрөспүүбүлүкэтин салалтата бастыҥ учууталлары кытта көрүстэ. Бу тэрээһиҥҥэ биһиги Сунтаарбыт улууһуттан үс учуутал Ил Дархан Айсен Николаевтан улахан наҕарааданы тутта:
«Лучший педагог-наставник» бириэмийэни Новикова Галина Васильевна, В.Г. Павлов аатынан Сунтаар алын сүһүөх оскуолатын учуутала.
М.А. Алексеев аатынан судаарыстыбаннай бириэмийэни Сунтаардааҕы политехническай лиссиэй-интэринээт физикаҕа учуутала Алексеева Римма Григорьевна.
“За достижение педагогической деятельности РФ” бириэмийэни Сунтаардааҕы политехническай лиссиэй-интэринээт нуучча тылыгар учуутала Алексеева Туйаара Александровна.
Бу туһунан улуус үөрэҕириитин управлениета иһитиннэрэр.
Марфа ИВАНОВА.