Арыылаах оскуолатыгар ытыы күрэҕэ убаастыыр учууталбыт, тириэньэрбит, РФ уопсай үөрэхтээһин Бочуоттаах үлэһитэ, IV норуоттар икки ардыларынааҕы «Азия оҕолоро» спортивнай оонньууларга мас тардыһыытыгар кыһыл көмүс мэтээл чемпионун бэлэмнээбит Григорий Павлович Иванов кэриэһигэр, 75 сааһыгар ананан ыытылынна. Григорий Павлович Кыайыы күнүн көрсө оҕолорго ытыы күрэҕин ыытар үтүө үгэстээҕэ. Күрэххэ
барыта 34 оҕо кыттыыны ылла. Кыра кылаастарга Марсель Амонов бастакы миэстэ, Настя Иванова иккис, Анжелина Тихонова үһүс буолла. Онтон орто кылаастарга Марк Тихонов бастакы, Дамир Спиридонов иккис, Трофимов Максим үһүс миэстэни ыллылар. Улахан оҕолорго Олимпий Иванов бастакы, Миша Амонов иккис, Юрлен Никитин үһүс миэстэлэри ыллылар.
Кыайыылаахтар мэтээлинэн, добун суругунан уонна харчынан бириистэри туттулар. Бириистэри Григорий Павлович кэргэнэ Галина Прокопьевна, киниэхэ дьарыктанан элбэх күрэхтэргэ сылдьыспыт иитиллээччилэрэ эдьиийдии, балыстыы Полина, Диана Ивановалар, өр кэмҥэ бииргэ үлэлэспит, элбэх күрэхтэри ыытыспыт коллегата Надежда Кузьминична туруордулар.
Надежда ПЕТРОВА,
дириэктэри иитэр үлэҕэ солбуйааччы