Бүгүн, алтынньы 18 күнүгэр, А.И Иванов аатынан успуорт оскуолатыгар, ыччаты патриоттуу иитиигэ, эт-хаан сайдыытын сайыннарарга аналлаах «Тургутуу» күрэх буолан ааста.
Бу күрэҕи быйыл улуус ыччат политикатын отдела 3-с төгүлүн ыытта.
Күрэххэ улуус 9 нэһилиэгиттэн ыччат хамаандалара кытыннылар. Ол курдук Арыылаах, Куокуну, Тойбохой, Кириэстээх, Күүкэй, Устье, Сиэйэ, Элгээйи уонна Сунтаар.
Ыччаттар 4 араас көрүҥҥэ күрэхтэстилэр: хабылык-хаамыска, буулдьанан ытыы, байыаннай эстафета уонна канат тардыһыыга.
Тургутуу түмүгүнэн Тойбохой нэһилиэгин хамаандата кыайыылаах буолла. Оттон иккис миэстэни Сиэйэ нэһилиэгэ уонна үсүһү Устье хамаандата ыллылар.
Дмитрий ЫМЫЧАНОВ