Бу күннэргэ Арассыыйаҕа быйыл биллэриллибит Педагог уонна аҕа сүбэһит сылын чэрчитинэн ыытыллыбыт куоҥкурус түмүгүнэн 1250 бастыҥ учуутал аата билиннэ. Олор истэригэр Саха сириттэн 12 педагог киирдэ.
Үөрүүлээҕэ диэн кинилэр ортолоругар Сунтаардааҕы политехническай лиссиэй-интэринээт нуучча тылыгар уонна литературатыгар учуутала Туйаара Алексеева баар. Кинилэр аны күһүн — Учуутал күнүгэр, ол эбэтэр алтынньы 5 күнүгэр 200 тыһ. солк. суумалаах бириэмийэни тутуохтара.
Санатар эбит буоллахха, Туйаара Александровна 2 үөрэнээччитэ БКЭ-ни 100 баалга туттаран, үрдүк көрдөрүүлэммиттэрэ. Ол курдук быйыл Феврония Саввинова уонна 2021 с. биир үөрэнээччитэ 100 баалы ылары ситиспитэ.
Ааптар: Гаврил Андреев