Сэтинньи 31 күнүгэр, Тойбохой нэһилиэгэр К.С.,А.В.Тихоновтар ааттарынан «Кыталык»култуура киинигэр дойдуга Дьиэ кэргэн сылынан, ону тэҥэ, ийэҕэ аналлаах нэдиэлэ чэрчитинэн “ GO КВИЗ “ оонньууну тэрийэн ыыттылар. Оонньуу аҕыс түһүмэхтэн турда. Манна биир кылааска үөрэнэр оҕолоох ийэлэр, дьүөгэлиилэр, бииргэ үлэлиир кэллиэгэлэр мустан биэс хамаанданы тэринэн кытыннылар. Тыҥааһыннаах киирсии кэнниттэн » Ийэ мичээрэ » уонна » Скитлс » хамаанда тэҥ очукуоланан эбии боппуруоска эппиэттээһин түмүгүнэн кыайыылаах аатын «Скитлс» хамаандата ылла. Маннык көхтөөх оонньууга кыттыбыт ийэлэр үөрэн-көтөн тарҕастылар.
Надежда ПАВЛОВА