Бүлүүгэ бэҕэһээ, бүгүн «Ытык Бүлүү алгыстаах ыһыаҕын» чэрчитинэн «Бүлүү Боотура-2024» успуорт национальнай көрүҥнэригэр күрэхтэһии буола турар.
Күрэхтэһиигэ өрөспүүбүлүкэ ааттаахтара кэлэн күөн көрсүһэ сылдьаллар. Ол курдук, «Бүлүү Боотурун» аатын иһин 16 бөҕөс күрэхтэһэ сылдьарыттан биирдэстэрэ биһиги — Тимофей Большаковпут. Бастакы күҥҥэ ыстаҥаҕа, оҕунан ытыыга, сүүрүүгэ, мас тардыһыыга илин-кэлин түһүспүттэрэ. Бу көрүҥнэргэ уопсайа 11 очукуоланан Тимофей бастакы иһэр. Иккис миэстэҕэ Өлүөхүмэттэн сылдьар Александр Пшенников, үһүс Дьааҥыттан сылдьар Петр Прудецкай сылдьаллар.
Боотурдар бүгүн тутум эргииргэ, хапсаҕайга, таас көтөҕүүтүгэр күрэстэһиэхтэрэ.
Бүгүҥҥү түмүгүнэн кыайыылаах биллиэҕэ, кини 500 тыһ. солк. хаһаайына буолуоҕа. Тимофей, кытаат!
Яина ВЛАСЬЕВА