Сунтаарга бу күннэргэ Саха сирин тимир суолларын акционернай уопсастыба оскуола үөрэнээччилэригэр идэни баһылыылларыгар ыҥырар сыаллаах үлэлэри ыытар. Бу кэскиллээх үлэҕэ Хабаровскайтан «Дальневосточный госуниверситет путей сообщения» үлэһитэ Андрей Стецюк уонна Аллараа Бэстээххэ кэскиллээхтик үлэлиир транспортнай техникум устудьуона Кэскил Иванов кыттыыны ылаллар. Үөрэх киэҥ аартыгын арыйар бөлөх салайааччыта Саха сирин тимир суоллара акционернай хампаанньа каадыры бэлэмниир инженера Надежда Иванова буолар. Идэни баһылыыр тускулаах үлэни Сунтаар лиссиэйиттэн саҕалаан Тойбохойго, Элгээйигэ, Кутанаҕа көрсүһүүлэри тэрийэн атах тэпсэн олорон кэпсэттилэр. Оҕолор көрсүһүүгэ ыйытыктара олус элбэҕэ кэрэхсэттэ, кэлбиттэри умсугуйа истибиттэрэ сэргэттэ.
Тускулаана ГОРОХОВА-КОБЕЛЬЯНОВА