Муус устар 4 күнүгэр В.Г. Павлов аатынан Сунтаардааҕы алын сүһүөх оскуолатын 3-с кылаас учууталларын методическай холбоһуга «Ааҕыы — билии төрдө» төрөөбүт тылынан ааҕыы үөрүйэхтэригэр маҥнайгы улуустааҕы олимпиаданы тэрийэн ыытта.
Олимпиада үѳрэнээччи тѳрѳѳбүт тылынан ааҕар сатабылын тургутан кѳрөргө, толкуйдуур, саҥарар, айар дьоҕурун сайыннарыыга туһуланан ыытылынна. Улуус 17 оскуолатыттан 45 оҕо кытынна. Бэриллибит тиэкиhи ааҕыы, ис хоhоонун ырытыы, ыйытыктарга хоруйдааhын, бэйэ санаатын кылгастык суруйуу түмүгэр кыайыылаахтар быһаарылыннылар.
Сунтаар алын сүһүөх оскуолатын 3-в кылааһын үөрэнээччитэ Игнатьева Кыыдаана (учуутал Михайлова Туйара Дмитрьевна) — I миэстэ;
Харчасова Янита, 3 «в» кылаас (учуутал Михайлова Туйара Дмитрьевна) — II миэстэ;
Саввинова Сайыына, Маар Күөл оскуолата (учуутал Степанова Алена Владимировна) — III миэстэ;
Федоров Саян, Сунтаар 3 №-дээх орто оскуолата (Кушатова Фаина Юрьевна) — III миэстэ;
Омукова Диана, Сунтаар алын сүһүөх оскуолата, 3 «д» кылаас (Потапова Нина Семеновна) — III миэстэ;
Михайлова Таня, Сунтаар алын сүһүөх оскуолата, 3 «ж» кылаас (Новикова Галина Васильевна) — IV миэстэ;
Никитина Дайаана, Хадан орто оскуолата (Никитина Надежда Алексеевна) — V миэстэ буоллулар.
Кыайыылаахтар грамотанан, кинигэнэн наҕараадаланнылар, бары кыттааччылар туоһу суругу туттулар.
Бу тэрээһин ааҕыы үөрүйэхтэригэр улуус учууталлара болҕомто ууран үлэлиир буолбуттарын, оҕолор былырыыҥҥы олимпиада түмүгүттэн таһымнара үрдээбитин көрдөрдө.
Галина НОВИКОВА