Бэҕэһээ Сунтаар нэһилиэгэр, манежка, улуустааҕы остуол тенниһигэр күрэхтэһии буолан ааста. Сунтаартан, ону тэҥэ чугас сытар улуустартан Ньурбаттан, Мииринэйтэн 41 спортсмен кэлэн көхтөөхтүк кытынна.
Күрэхтэһии түмүгүнэн 18-39 диэри саастаах кэрэ аҥаардарга I миэстэни Валерия Владимирова, II м. Дария Данилова, III м. Милена Саввинова (бары ньурбалар) ыллылар, 40-тэн үөһээ саастаахтарга I м. Елизавета Матвеева (Нам), II м. Марианна Максимова (Мииринэй), III м. Алена Новгородова (Сунтаар) буоллулар, оттон 18-тан 39 сааһыгар диэри саастаах эр дьоҥҥо I м. Юрий Тотонов (Сунтаар), II м. Никита Евсеев (Сунтаар), III м. Константин Владимиров (Ньурба), 40-59 диэри саастаахтарга I м. Василий Семенов (Сунтаар), II м. Николай Ноттосов (Мииринэй), III м. Владислав Угапьев (Ньурба), 60-тан үөһээ I м. Саргын Баҕатаан (Сунтаар), II м. Марик Тимофеев (Сунтаар), III м. Михаил Тихонов (Ньурба) буоллулар. Абсолютнай киирсиигэ кэрэ аҥаардарга Валерия Владимирова (Ньурба), эр дьоҥҥо саастарынан арахсан Юрий Тотонов (Сунтаар), Николай Ноттосов (Мииринэй) бастааннар, остуол тенниһин Федерациятын саҥа бэрэссэдээтэлэ Владимир Егоров олохтообут бирииһин 4000 солк. уу харчынан ылан үөрдүлэр-көттүлэр. Күрэхтэһиини Саргын Баҕатаан тэрийэн, судьуйалаан ыытта.
Бу нэдиэлэҕэ теннискэ саҥа састаабы талыы мунньаҕа буолбута. Ол курдук, биир санаанан Сунтаар улууһугар Федерация остуол тенниһин бэрэссэдээтэлинэн Владимир Егоров, толорооччу дириэктэринэн Саргын Баҕатаан талыллыбыттара. Оттон бэҕэһээ Ньурба, Мииринэй, Сунтаар остуол тенниһин Федерациятын чилиэннэрэ инники былааннары торумнастылар. Сыл аайы улуустан улууска көһө сылдьар эрэгийиэннээҕи, улуустааҕы аһаҕас күрэхтэһиилэри, сбордары тэрийэн кэскиллээх спортсменнары таһаарыахха, маастарыстыбаларын үрдэтиэххэ диэн санаа атастастылар.
Айталина ЕФРЕМОВА