Дойду үрдүнэн ППМИ — олохтоох нэһилиэнньэ көҕүлээһинин өйүүр барыл үлэлээн өрөспүүбүлүкэ, улуус, нэһилиэк аайы араас үлэлэр ыытыллан дойду сайдар. Күндэйэҕэ уу ситимэ тардыллан дьон үөрүүтэ үксүүр. Бүлүү өрүстэн тэйиччи турар нэһилиэккэ ыраас уу тосхолунан сир анныттан уу хачайдаан таһаарар скважина оҥоһуллубута. Онтон бу сайын нэһилиэнньэ көҕүлээһинин өйүүр ППМИ барылынан скважинаттан сайыҥҥы уу ситимэ тардылынна.
Онтон Тэҥкэҕэ ППМИ барылынан Бүлүү өрүс үрдүгэр сынньанар түһүлгэ тутуллан бүтэн эрэр. Өрүс үрдүгэр Кыайыы искибиэригэр бу сайын «Дьоҕур» түмсүү кыттыылаахтара ахсыыларын аайы мас олордубуттар, сибэкки үүннэрбиттэр. Онтон кулуупка кырааска үлэтэ ыытыллар. Дьэ, бу курдук сайын үтүөтүгэр үлэ дьоно араас хабааннаах үлэни кыайа-хото туталлар.
Тускулаана ГОРОХОВА-КОБЕЛЬЯНОВА.