Бүгүн С.А. Зверев-Кыыл Уолун аатынан норуот айымньытын киинин мунньахтыыр саалатыгар «Төрүт дойдубут-Тэҥкэ” саҥа кинигэ сүрэхтэниитэ буолла. Кинигэ Дьокуускай куоракка 250 ахсаанынан бэчээттэммит. Кинигэ күн сирин көрөрүгэр үтүөлээх киһинэн Тэҥкэ нэһилиэгин баһылыга Светлана Игнатьева буолбут. Светлана Николаевна тэрээһиҥҥэ куйаар ситимин нөҥүө тахсан, мустубут дьону эҕэрдэлээтэ.
Тэҥкэ 1992 сылга туспа нэһилиэк буолбут. Ол үбүлүөйү көрсө бу бэртээхэй кинигэ тахсыбыт. Кинигэ матырыйаалларын булан-талан, ахтыылары Борис Герасимов хомуйда, эрэдээктэр — Ольга Захарова.
Кэлбит дьон кинигэ туһунан санааларын эттилэр. Тэҥкэ нэһилиэгин өрөгөй ырыатын долгуйан туран иһиттилэр.
Гаврил АНДРЕЕВ