Сунтаар улууһун ыччата Кэбээйигэ бэс ыйын 6-8 күннэригэр ыытыллар «Табыс» ыччат өрөспүүбүлүкэтээҕи култуурунай-үөрэтии бэстибээлигэр кыттыыны ылыаҕа.
Ол курдук бэстибээлгэ Сунтаартан 27 ыччат барыаҕа. Кинилэри улуустааҕы ыччат отделын салайааччыта Трофим Иванов баһылаан барыаҕа.
«Табыс» бэстибээл өрөспүүбүлүкэҕэ 1991 сылтан ыытыллар, ыччат ыһыаҕын үгэһин салгыыр биир сүрүн тэрээһинэ буолар.
Бэстибээл бырагырамматыгар араас күрэхтиһиилэр киирбиттэр. Ол курдук успуорт национальнай көрүҥнэригэр «Бастыҥ бөҕөс», эстафета, «Ыччат куолаһа» ырыа күрэһэ, «Тэтим» аныгы үҥкүү күрэһэ, «Ыччат лидерэ» күрэс уонна да атын күрэхтэһиилэр ыытыллыахтара. Маны таһынан, бэстибээл үөрэтэр чааһыгар «Росмолодежь. Граннар» диэн бырагыраама чэрчитинэн сэминээр ыытыллыаҕа.
Кыайыылаах хамаанда УАЗ массыынаны, оттон бастыҥ ыччат уопсастыбаннай тэрилтэтэ 1 мөл. солкуобай суумалаах харчынан бирииһи ылыаҕа.
Дмитрий ЫМЫЧАНОВ