И.И.Макарова-Толоон Туорааҕа “Таас Буурай бухатыыр” олоҥхотун дьиэ кэргэнинэн ааҕабыт” улуустааҕы көрүү-күрэс 3-с түһүмэҕэ түмүктэннэ. Барыта 5 дьиэ кэргэн кытынна. Ол курдук, Семеновтар (Тойбохой нэһ.) Григорьевтар (Кириэстээх нэһ.), Федоровтар (Түбэй нэһ.) Ивановтар (Элгээйи нэһ.) Еремеевтар (Бордоҥ нэһ.)
Күрэх саамай Аҕам саастаах кыттааччыларынан Кириэстээх нэһилиэгиттэн Платонова Валентина Афанасьевна уонна Григорьева Валентина Иннокентьевна, Түбэйтэн Данилова Мария Матвеевна- Күн Мичээрэ буоллулар.
Дьүүллүүр сүбэ састаабыгар Сунтаардааҕы политехническай лицей-интернат учуутала Кондратьева Мария Васильевна, Сунтаардааҕы үөрэҕирии салаатын сүрүннүүр исписэлииһэ Жиркова Татьяна Трофимовна, Илимнииртэн «Дьулуур» култуура киинин исписэлииһэ Игнатьева Татьяна Ильинична үлэлээтилэр.
Күрэс түмүгүнэн 3 үрдэл Семеновтар (Тойбохой нэһ.) 20 000 солк. , 2 үрдэл Еремеевтар (Бордоҥ нэһ.) 30000 солк.,
1 үрдэл Федоровтар (Түбэй нэһ.) 50000 солк. наҕараадаланнылар. Кыайыылаахтар бириистэрин Аҕа баһылык А. В. Григорьев илиититтэн тутуохтара. «Көрөөөччү биһирэбилэ» анал ааты Григорьевтар (Кириэстээх нэһ.)
«Хомоҕой тыллаах ааҕааччы» анал ааты Ивановтар (Элгээйи нэһ.) буоллулар. Кинилэр 5000 солк. наҕараадаланнылар.
Мария Томская Л.А.Попов аатынан улуустааҕы киин бибилэтиэкэ үлэһитэ
