Ааспыт нэдиэлэҕэ Дьокуускайга тохсунньу 22-24 күннэригэр кыһыҥҥы биирдилээн бастыыр иһин чэпчэки атлетикаҕа 16, 18 саастаах кыргыттарга уонна уолаттарга өрөспүүбүлүкэтээҕи күрэхтэһии буолан ааста.
Өрөспүүбүлүкэбит бастыҥ быһыйдара барыта 304 оҕо илин-кэлин түһүстэ. Биһиги улуустан 17 оҕо кытынна. Олортон Ира Очосова сүүрүүгэ 3000 м. 1-кы миэстэ, 1500 м. 3-с миэстэни ылла. Вероника Платонова, спортивнай хаамыыга 1-кы миэстэ буолла. Виктория Сусова 1000 м. спортивнай хаамыыга 2-с миэстэни ылары ситистэ. Лиана Семенова 1000 м. спортивнай хаамыыга 3-с миэстэни эрэллээхтик ылла. Лада Попова сүүрүүгэ 400 м. 3-с миэстэ, 800 м. 4-с миэстэ буолла.
Сүүрүүк кыргыттар Ира, Вика, Лиана, Лада Сунтаар 1-кы №-дээх оскуола 6 “б” кылааһын үөрэннээччилэрэ буолаллар. Оҕолору утумнаахтык сүүрүүгэ дьарыктыыр тириэньэрдэр — Михаил Слюсарь, Альмира Яковлева, Уйусхан Егоров. Дьарыктар күн аайы биир да күнү көтүппэккэ буолаллар. Дьаныардаах дьарык түмүгэ — ситиһии.
Алена ИВАНОВА