Суол быраабылатын бары тутуһан сылдьыаҕыҥ

— РФ Бырабыыталыстыбатын  2023 сыл ахсынньы 23 күнүгэр тахсыбыт 2269 №-дээх уураахха олоҕуран, 2024 уонна 2025 сылга болдьоҕо бүтүөхтээх  массыына ыытар дастабырыанньа (права)  3 сылга уһуур.

— 2023 сылга Сунтаар улууһугар дьон эчэйиилээх 9 суол быһылаана таҕыста, мантан хомойуох иһин 1 киһи олохтон туораабыта, 22 киһи араас эчэйиини ылла;

— Тохсунньу 12-26 күннэригэр ГАИ сотрудниктара күүһүрдүүлээх режимҥэ киирэн үлэлии сылдьаллар;

Күндү суоппардар, массыынаҕа олорсооччулар уонна сатыы сылдьар дьон! Сунтаардааҕы ГАИ сулууспата эһигини суол быраабылатын булгуччу тутуһаргытын ыҥырабыт. Ол курдук, сыл саҕаланыаҕыттан тохсунньу 15 күнүгэр диэри биһиги өрөспүүбүлүкэбитигэр суол быһылааныгар хомойуох иһин номнуо 7 киһи суорума суолланна. Чинчийии көрдөрөрүнэн, бу барыта үксүн суоппар ыксалыттан, айан суолугар утары суолга тахсыытыттан, болҕомтото суоҕуттан буолла. Ону тэҥэ массыына техническэй туругун умнумуохха наада. Суолга ыксаабакка, этэҥҥэ айаннааҥ!