Сунтаарга төрүт оҕунан ытыы күрэһэ ыытылынна

Бу өрөбүлгэ олимпийскай эрэллэри бэлэмниир оскуолаҕа Аҕа дойдуну көмүскээччи күнүн көрсө, саха төрүт оҕунан ытыыга улуустааҕы аһаҕас турнир күрэһэ ыытылынна. Күрэххэ Сунтаартан, Дьаархантан, Тойбохойтон, Куокунуттан, Бүлүүчээнтэн, Сунтаартан, Уустуйаттан, Күндэйэттэн барыта 50 ытааччы кытынна.

Күрэхтэһии аһыллыытыгар улуустааҕы успуорт отделын салайааччыта Семен Павлов, олимпийскай эрэллэри бэлэмниир оскуола дириэктэрин солбуйааччы Дьулустан Егоров эҕэрдэ тыллары этэн туран, кыттааччыларга ситиһиилэри баҕардылар. Улуустааҕы Аҕа сүбэтин аатыттан бэйэм эҕэрдэбин спортсменнарга тириэртим.

Саха төрүт ох саатынан ытыы успуордун улууска киэҥник тарҕата сылдьар, уонна аҕам саастаах дьон мэлдьи бэйэлэринэн холобур буолан бэриниилээхтик кыттар Павел Кыреловка уонна успуорт бэтэрээнигэр Михаил Спиридоновичка улуустааҕы Аҕа сүбэтин аатыттан Махтал суруктар туттарылыннылар.

Күрэхтэһиини сүрүн судьуйа Наталья Федорова иилээн-саҕалаан ыытта. Күрэхтэһиигэ эр дьон уонна дьахталлар биэстии бөлөҕүнэн арахсан кытыннылар.

Сарсыарда 10-тан саҕаланан киэһэ хойукка диэри буолбут эрийсиилээх күрэхтэһии кыайыылаахтара:
Кыргыттарга:
I м. — Семенова Саина (Сунтаар)
II м. — Григорьева Нарияна (Куокуну)
III м. — Маркова Кюндюляна ( Дьаархан).
Дьахталларга:
I м. — Малышева Нь. Ф. (Уустуйа)
II м. — Федорова В.Б. (Сунтаар)
III м. — Иванова А. Н. (Сунтаар).
Бэтэрээннэргэ (1-кы бөлөх):
I м. — Петрова Л. Г. ( Бордоҥ)
II м. — Дьячковская Р.А. (Уустуйа)
III м. — Семенова М.В. (Уустуйа).
Бэтэрээннэргэ (2-с бөлөххө):
I м. — Федорова Н.Н. (Сунтаар)
II м. — Григорьева В.В. (Уустуйа)
III м. — Павлова А.П. (Уустуйа).
Бэтэрээннэргэ (3-с бөлөх):
I м. — Ю Х.Н. ( Устье)
II м. — Петрова Л. Н. (Уустуйа)

III м. — Ксенофонтова Т.Е. (Сунтаар).

Уолаттарга :
I м. — Максимов Егор (Бүлүүчээн)
ll м. — Корнилов Руслан (Бүлүүчээн
lll м. — Михалев Петр ( Куокуну).
Эр дьоҥҥо :
l м. Афанасьев А.Н. ( Сунтаар)
ll м. — Пахомов Нь.Н. ( Сунтаар)
lll м. — Сметанин В.С. (Тойбохой).
Бэтэрээннэргэ (1-кы бөлөх):
l м. — Уларов Б.М. ( Сунтаар)
ll м. — Кырелов П.В. ( Дьаархан)
lll м. — Иванов О.В. (Күндэйэ).
Бэтэрээннэргэ (2-с бөлөххө):
l м. — Гуляев А.П. (Бүлүүчээн)
ll м. — Семенов Н.Н. ( Уустуйа)
lll м. — Яковлев А.К. (Куокуну).
Бэтэрээннэргэ (3-с бөлөх):
l м. — Кириллин М.С. ( Сунтаар)
ll м. — Николаев В.Н. (Дьаархан)
lll м. — Петров А.Ст. (Куокуну).
Абсолютнай күрэс кыайыылаахтара:
Дьахталларга – Дьячковская Р.А.
Эр дьоҥҥо – Николаев И.Г.

Маны таһынан саамай аҕам саастаах кыттааччыларга Лариса Петроваҕа уонна Клавдий Михайловка анал бириистэр туттарылыннылар.

Улууспутугар төрүт ох — успуорт биир умсугутуулаах көрүҥэ сайдан, кэҥээн, кыттааччыта элбээн иһэрэ барыбытын үөрдэр, инники кыайыыларга эрэли үөскэтэр.

 

Борис УЛАРОВ, улуустааҕы Аҕа Сүбэтин салайааччыта

 

Читайте дальше