Бэҕэһээ, кулун тутар 19 күнүгэр, А.И.Иванов аатынан олимпийскай эрэллэри бэлэмниир өрөспүүбүлүкэтээҕи оскуола манеһыгар, Сунтаардааҕы 3 №-дээх орто оскуола уонна Оҕо успуордун резервэтин оскуолатын тэрийиилэринэн анал байыаннай дьайыыга сырдык тыынын толук уурбут үөрэнээччилэрэ Ньургун Григорьев-ГРИГ сырдык кэриэһигэр анаммыт «Бэргэн» оскуола оҕолорун уонна кинилэр салайааччыларын ортолоругар буулдьанан ытыыга биирдиилээн күрэхтэһии иккис төгүлүн буолан ааста.
Күрэх аһыллыытыгар Сунтаар улууһун баһылыга Анатолий Григорьев махтал тылларын этэн туран, Ньургун төрөппүттэригэр Лилия Леонидовнаҕа, Николай Николаевичка Махтал суругу уонна өйдөбүнньүк бэлэҕи туттарда.
Күрэхтэһиигэ уопсайа 59 кыттааччы Бүлүү бөлөх улуустарыттан кэлэн кыттыыны ылла.
Тыҥааһыннаах киирсиилэр түмүктэрэ маннык буолла:
8-9 кылаас кыргыттара:
I миэстэ — Николаева Нарыйаана (Сиэйэ), II миэстэ — Федорова Сулустаана (Күүкэй), III миэстэ — Антонова Нелли (Ньурба, I Хаҥалас).
8-9 кылаас уолаттара:
I миэстэ — Васильев Аркадий (Ньурба, I Хаҥалас),
II миэстэ — Лазарев Айаан (Күндэйэ),
III миэстэ — Кудряшов Рустам (Туойдаах).
10-11 кылаас кыргыттара:
I миэстэ — Семенова Агния (Тойбохой),
II миэстэ -Николаева Алина (Күүкэй),
III миэстэ — Максимова Алена (Бордоҥ).
10-11кылаас уолаттара:
I миэстэ — Григорьев Ньургун (Дьаархан),
II миэстэ — Рыбников Рустам (Сунтаар),
III миэстэ — Григорьев Владислав (Күүкэй) буоллулар.
Оттон салайааччыларга:
Бордоҥтон Кычкин Станислав Николаевич бастаата, иккис — Спиридонов Владимир Кириллович (Сунтаар 1-кы N-дээх оскуолата), үһүс — Васильев Александр Краснославович (Ньурба, I Хаҥалас).
Күрэх муҥутуур кыайыылааҕынан Тойбохой 10-с кылааһын үөрэнээччитэ Семенова Агния буолла. Киниэхэ Ньургун Григорьев төрөппүттэрэ 40 тыһыынча уонна тириэньэригэр Семенов Анатолий Ивановичка 10 тыһыынча солкуобайы уу харчынан туттардылар.
Дмитирий ЫМЫЧАНОВ