Бүгүн, от ыйын 24 күнүгэр, Сунтаар нэһилиэгин баһылыга Эдуард Филиппов нэһилиэккэ тутуу хайдах бара турарын көрдө, билистэ.
Бастаан Партизанскай уулуссаҕа тутулла турар 86 кыбартыыралаах, 3 подъезтаах таас дьиэни көрдүлэр. Санатар буоллахха, бу «Олорор дьиэ уонна куорат эйгэтэ» национальнай бырайыагынан тутуллар дьиэни «Главстройкомплекс» ХЭТ ылсан үлэлии сылдьар. Бүгүҥҥү туругунан тутуу үлэтэ былаантан кыратык хаалан иһэрин бэлиэтээтилэр. Былааны аҕыйах кэм иһигэр ситэргэ чопчу сорук турарын эттилэр.
Салгыы «ДабанСтрой» ХЭТ тутар Сунтарскай переулок 1а нүөмэригэр баар 5 этээстээх, 71 кыбартыыралаах таас дьиэни көрдүлэр. Манна тутуу үлэтэ былааны 10 күнүнэн ситэн иһэр диэн буолла. Тутуу матырыйаала тиийэрин, үлэһиттэр толору баалларын кэпсээтилэр.
Дмитрий ЫМЫЧАНОВ