Алтынньы 14 күнүттэн Сунтаар улууһугар аармыйаҕа сулууспалыырга күһүҥҥү ыҥырыы саҕаланна.
Ол курдук, күһүҥҥү ыҥырыы туһунан улуус байыаннай комиссара Игорь Данилов маннык кэпсээтэ:
«Армыйаҕа ыҥырыы быйыл алтынньы 14 күнүттэн ахсынньы 31 күнүгэр диэри буолар. Сокуоҥҥа саҥа киирбит уларыйыыларынан быйыл аармыйаҕа 18-тан 30-гар диэри саастаах ыччат ыҥырыллар.
Ыҥырыллыбыт ыччат анал байыаннай дьайыы ыытылла турар сирдэригэр барбаттар. Уһук Илин байыаннай чаастарыгар сулууспаларын ааһыахтара.
Билигин уолаттар доруобуйаларын бэрэбиэркэлииргэ 7 быраас уонна 2 сиэстэрэ күн аайы үлэлииллэр. Бастакы ыҥырыллыбыт ыччат доруобуйалара ааспыт сыллардааҕар үчүгэй.
Доруобуйалара сөпсөһөн аармыйаҕа барар уолаттарбыт бары этэҥҥэ сулууспалаан кэлэллэригэр эрэнэбин.
Түгэнинэн туһанан, сулууспалыыр саастаах ыччаттар кэлэн билсиҥ, байыаннай сулууспаҕа баран кэлиҥ».
Дмитрий ЫМЫЧАНОВ