«Якутлесресурс” судаарыстыбаннай автономнай тэрилтэ Яков Яковлев салайааччылаах Сунтаардааҕы филиала ойуурга баһаартан куттал суох буоларын хааччыйарга, ойуур баһаарын умулларарга, ойуур хаһаайыстыбатын үлэлэрин ыытарга сүрүн оруолу уурар. Судаарыстыбаннай сорудах чэрчитинэн, улууспут сиригэр-уотугар саҥардар, харыстыыр, араҥаччылыыр сыаллаах үлэлэр сылын аайы былааннаахтык ыытыллаллар. Олортон биирдэстэрэ бу күһүҥҥэттэн тэрилтэ үлэһиттэрэ баһаар буолбут Устье нэһилиэгиттэн 10-12 км баар сири чөлүгэр түһэрэр үлэтин ыыта сылдьаллар. Бу манна 65 гаалаах сиргэ Свердловскай уобаластан кэлбит 130 тыһыынча бэс маһы олордо сылдьаллар. Сирин-уотун бэлэмнииргэ ыраастыырга, тэҥнииргэ ТЛ-4, бульдозер, УАЗ, МТЗ беларусь тиэхиньикэлэр үлэлээтилэр. Тэрилтэ үлэһиттэрэ күргүөмнээхтик үлэлээн кэлэр нэдиэлэҕэ үлэни үмүрүтэр былааннаахтар.
Алена ИВАНОВА