Сунтаардааҕы ДЮСШ дириэктэрэ Владимир Данилов иһитиннэрэринэн, оскуола иитиллэччиллэриттэн «Азия оҕолоро» норуоттар икки ардыларынааҕы спортивнай оонньууларга кыттар Саха сирин хамаандатыгар киирэргэ 10 хандьыдаат баар.
Ол курдук, хапсаҕайга Васильев Данил, Готовцев Арчын уонна Николаев Эрхаан, бары Сунтаар 3-с нүөмэрдээх орто оскуолатын үөрэнээччилэрэ.
Мас тардыһыы көрүҥэр Емельянов Ярослав, Аллыҥа оскуолатын үөрэнээччитэ, Васильев Айсен, Сунтаар 2-с нүөмэрдээх орто оскуолатын үөрэнээччитэ, Григорьев Дьолсун, Сунтаардааҕы гимназия үөрэнээччитэ, Прокорьев Сергей, Кириэстээх оскуолатын үөрэнээччитэ, Егоров Егор, 3-с нүөмэрдээх оскуола үөрэнээччитэ уонна Николаев Егор Тойбохой оскуолатын үөрэнээччитэ.
Оттон кыргыттар тустууларыгар Заболоцкая Сара, Сунтаардааҕы лицей үөрэнээччитэ. Кини билигин Бишкек куоракка Саха сирин сүүмэрдэммит хамаандатын кытта бэлэмнэнэр сборга сылдьар.
«Азия оҕолоро» оонньууларга кыттарга 3 сүүмэрдээһин баар, онтон ааттаммыт оҕолор бары иккис сүүмэрдээһини ааһан кулун тутар – ыам ыйыгар ыытыллар 3-с сүүмэрдээһиҥҥэ бэлэмнэнэ сылдьаллар.
Оҕолор төрөппүттэрэ улуус баһылыгар Анатолий Григорьевка уонна оскуолалар салалталарыгар, улууска успуорт сайдарын ойүүллэрин иһин барҕа махтаналлар.
Спортивнай ооньууларга сүүмэрдээһин барар оҕолорго ситиһиилэри!
Дмитрий ЫМЫЧАНОВ