Бүгүн ыытыллыбыт улахан дьоҥҥо шахматка хамаанданан өрөспүүбүлүкэ чемпионатыгар Сунтаар улууһун шахматистара кыайыылаах үрдүк аатын ыллылар. Ол курдук, биэс киһилээх хамаанда тоҕус киирсии түмүгүнэн биирдэ да кыайтарбакка өрөспүүбүлүкэ күүстээх хамаандаларын кыайда. Хамаанда састаабыгар Сунтаар улууһун баһылыгын бастакы солбуйааччыта Павел Григорьев, ону тэҥэ эдэр кэскиллээх шахматистар Арсений Чумаевский, Руслан Пахомов,Арина Васильева,Айыына Егорова бааллар. Кыайыы улахан үлэттэн, дьарыктаныыттан кэллэ. Сунтаар улууһун шахматын историятыгар бу кыайыы бастакы буолар. Урукку сылларга үрдээбитэ иккис миэстэҕэ тахсаллара. Онон Сунтаар шахматистарын аата өрөспүүбүлүкэҕэ дорҕоонноохтук дуорайда.
Мира АФАНАСЬЕВА
