СӨ Ис дьыала министиэристибэтин кибер-куттал суох буолуутугар салаатын оперуполномоченнайа Мария Кардашевская Сунтаардааҕы гимназияҕа уонна политехническай лиссиэйгэ ыалдьыттаата.
Оҕолорго цифровой куттал суох буолуутун туһунан уонна куйаар ситимигэр быһыы-майгы быраабылаларын сиһилии билиһиннэрдэ.
Алын кылаас үөрэнээччилэрэ көмпүүтэргэ эбэтэр төлөпүөҥҥэ оонньуулларыгар билэр дьоннорун аккауннарыттан да суруйдахтарына тута итэҕэйиэ суохтаахтарын биллилэр. Оттон орто сүһүөх кылаастары баан карталарын туора дьоҥҥо биэриэ суохтаахтарын сэрэттэ. Үрдүкү кылаас үөрэнээччилэрэ «кибербуллинг» туһунан ыйытыы биэрдилэр уонна киберполиция үлэтин сонурҕаатылар.
Лиэксийэлэр бары тыыннаах кэпсэтии көрүҥүнэн, оҕо дэбигис өйдүүр судургу кэпсэтии тылынан ыытылыннылар.
Дмитрий ЫМЫЧАНОВ