Саха Өрөспүүбүлүкэтин Үөрэххэ уонна наукаҕа министиэристибэтэ уонна анал байыаннай дьайыы кыттыылаахтарын дьиэ кэргэттэрин өйүүр соруктаах бырагырааманан Сунтаартан 10 оҕо Краснодарскай кыраай Туапсе куоракка «Созвездие» лааҕырга сынньана сылдьаллар. Оҕолор лааҕырга атырдьах ыйын 24 күнүттэн балаҕан ыйын 14 күнүгэр диэри сылдьыахтара.
Кинилэр лааҕырга сылдьар кэмнэригэр иҥэмтиэлээх аһынан аһаан, элбэҕи билэн-көрөн, муораҕа сөтүөлээн уонна экскурсияларга сылдьан дуоһуйа сынньаныахтара, үгүһү-элбэҕи билиэхтэрэ.
Бу сылга муораҕа барыы өссө да салҕаныа. Ол курдук, күһүн балаҕан ыйын 14 күнүттэн алтынньы 5 күнүгэр диэриылы анал байыаннай дьайыы кыттыылаахтарын оҕолорун эмиэ бу лааҕырга сынньата ыытыахпыт.
Сайаапкалары үөрэх салалтатын иитии уонна эбии үөрэхтээһин отделыгар биэриэххитин сөп. Билсэр нүөмэргит – 21-3-17
Үөрэҕирии управлениетын иитии уонна эбии үөрэхтээһин отдела