Балаҕан ыйын 14-18 күннэригэр Наро-Фоминскайга көҥүл тустууга 24 саастарыгар диэри саастаах бөҕөстөргө бастыыр иһин Арассыыйатааҕы турнир буолла. Манна биһиги бөҕөстөрбүт Лев Павлов үрүҥ көмүһү уонна Владимир Бояновскай боруонсаны ылары ситистилэр.
Бу Арассыыйа таһымнаах турнир сэтинньи ыйга Белградка (Сербия) ыытыллар аан дойдуга бастыыр иһин көҥүл тустууга киирсиигэ кыттааччылары талар соруктаах ыытылынна.
Балаҕан ыйын 17 күнүгэр Башкортостаҥҥа Стерлитамакскай полумарафон буолан ааста. Манна Сунтаартан төрүттээх Наталья Леонтьева 21 км усталаах дистанцияны 1 чаас 14 мүн. 55 сөк. көрдөрүүлээх сүүрэн, кыһыл көмүс призер буолары ситистэ. Кыайыылаахха полумарафон тэрийээччилэрэ 200 тыс. солк. суумалаах сэртипикээти туттардылар.
«Сунтаар сонуннара» хаһыат.
Хаартыскалар ЯСИА сайтан ылылыннылар.