Улуустааҕы успуорт отделын, Алкивиад Иванов аатынан олимпийскай эрэллэри бэлэмниир өрөспүүбүлүкэтээҕи спортивнай оскуола үлэһиттэрэ, спортсменнар улахан субуотунньук тэрийдилэр. Ол курдук, кинилэр успуорт бэтэрээннэригэр, адаптивнай көрүҥ спортсменнарыгар, анал байыаннай дьайыыга сылдьар биир дойдулаахтарбыт дьиэ кэргэннэригэр анаан муус ыллылар. Успуорт эйгэтин үлэһиттэрэ Сунтаар күөлүттэн ылбыт муустарын 20-тэн тахса ыалга түҥэтиэхтэрэ диэн улуус дьаһалтатын пресс-сулууспата иһитиннэрэр.
Маннык күргүөмнээх үлэни тутуһан, үтүө дьыаланы оҥорон, успуорт үлэһиттэрэ биир сомоҕо буолалларын бигэргэтэллэр.
“Сунтаар сонуннара” хаһыат