Сунтаардааҕы “Партизан” НАТК балаҕаныгар анал байыаннай дьайыыга сылдьар биир дойдулаахтарбытыгар анаан хаххалыыр сиэккэни оҥорор пуун үлэтин саҕалаата.
Бу хамсааһын «Сунтаар нэһилиэгэ” МТ өйөбүлүнэн Сунтаар улууһун уопсастыбаннай сэбиэтин бэрэссэдээтэлэ, Аҕа дойду буойуннарын кэмитиэтин координатора Надежда Львова быһаччы тэрээһининэн барар. Манна Бартыһаан түөлбэ көхтөөхтүк кыттыһан НАТК балаҕаныгар түмсэр пуун арыйан көхтөөх дьон сиэккэни оҥорууну ылсыстылар. “Боевой шелкопряд” хамсааһын кыттыылааҕа Антонина Степанова хаххалыыр сиэккэни оҥорууга маастар-кылааһы ыытан, мустубут дьоҥҥо ыйан-кэрдэн биэрдэ, көрдөрөн үөрэттэ. Хайдах өрөргө үөрэнии нэдиэлэ устата ыытыллыа, таарыйа хаххалыыр сиэккэни оҥорон таһаарыахтара. Тэрийээччилэр бу үтүө дьыалаҕа кыттыһыан баҕалаахтары күн аайы10 чаастан 18.00 ч диэри “Бартыһаан” балаҕаныгар кэлэргитин күүтэллэр. Ону тэҥэ Октябрьскай уул., 100 нүөмэригэр анал байыаннай дьайыыга сылдьар биир дойдулаахтарбытыгар гуманитарнай көмө пууна үлэлиирин санаталлар.
Дмитрий ЫМЫЧАНОВ