Бүгүн, муус устар 8 күнүгэр, Дьокуускай куоракка улуус култууратын үлэһиттэрэ Аҕа дойду сэриитин кыттыылааҕа, биир дойдулаахпыт Мартын Герасимович Григорьевы кытары көрсүстүлэр. Ытык бэтэрээммитин култуура салаатын салайааччыта Саргылаана Омукова, кииннэммит бибилэтиэкэ дириэктэрэ Изабелла Жиркова, С.А.Зверев-Кыыл Уолун аатынан норуот айымньытын киинин дириэктэрэ Алексей Седалищев, «Партизан» НАТК дириэктэрин солбуйааччы Жанна Макарова, Сунтаардааҕы оҕо искусствотын оскуолатын дириэктэрэ Алексей Степанов эҕэрдэ тылларын эттилэр, бэлэх туттардылар.
Бу көрсүһүүгэ Арассыыйа Дьоруойа Филипп Евсеев кэлэн, бэтэрээнниин сэһэргэстэ. Икки көлүөнэ дьоруойдара бэйэ-бэйэлэрин эҕэрдэлэстилэр, хаартыскаҕа түстүлэр.
Култуура үлэһиттэрин ырыаларын-тойуктарын ытык бэтэрээммит олус сэргээтэ, бочуоттаах олбоҕор олорон үөрэн сэгэйэн муусукаҕа, ырыаҕа дайдаран үҥкүүлэһэ олордо.
Бэтэрээммит Мартын Герасимович бу көрсүһүүттэн эгди буолбутуттан, кини тапталлаах оҕолорун бүөбэйдэригэр угуттанан этэҥҥэ олороруттан көрсүһүү кыттыылаахтара бэйэлэрэ эмиэ олуһун үөрдүлэр, долгуйдулар.
Яина ВЛАСЬЕВА