Улуу Кыайыы 80 сылын көрсө Аҕа дойду сэриитигэр эйэлээх олох иһин турууласпыт, олохторун толук уурбут сэрии, тыыл бэтэрээннэрин аатын үйэтитэр сыаллаах үгүс үлэ ыытыллар. Кинилэр ааттара умнуллубаттык устуоруйаҕа кэлэр көлүөнэ ыччакка сурукка тиһиллэн хаалара биһиги ытык иэспит.
«Сахабэчээт» медиа бөлөҕө “Семейная реликвия” диэн онлайн-сервис бырайыагын үлэлэтэр. Бу саайтка ким баҕарар бэйэтин тыыл бэтэрээнэ, сэрии кыттыылааҕа аймаҕын дааннайдарын уонна дьиэ кэргэнин хаартыскаларын, докумуоннарын, ахтыыларын киллэриэҕин сөп.
Биир дойдулаахтарбытын бу сигэнэн киирэн https://xn--80aejkcxyk7a5e.xn--p1ai/ ытык дьоммутун үйэтитэргэ дьоһун кылааты киллэрэргитигэр ыҥырабыт.
Улууспут дьоно интэриэһиргиир ыйытыыларгытын бу нүөмэртэн билсиҥ 89141138305.
«Сунтаар сонуннара» улуус хаһыата