Арктика уонна Уһук Илин сайдыытын министиэристибэтэ биир кэлим президентскэй субсидиятынан орто анал үөрэх кыһаларыгар быйыл Уһук Илин эрэгийиэннэригэр 163 саҥа мастырыскыай тэриллиэхтээх.
Саха Өрөспүүбүлүкэтин үөрэххэ уонна билимҥэ министиэристибэтин өйөөһүнүнэн, Саха сиригэр хас да орто анал үөрэх кыһатыгар, ол иһигэр Сунтаардааҕы технологическай колледжка балаҕан ыйыгар саҥа мастарыскыай аһыллара былааннанар. Бу үлэ чэрчитинэн аныгы саҥа тиэхиньикэ, мастарыскыайга туттуллар тэриллэр атыылаһыллыахтаахтар.
Сунтаардааҕы технологическай колледжка бу бырагыраама чэрчитинэн,Челябинскайтан саҥа бульдозеры аҕаллылар. Материальнай-техническэй базаны хаҥатар, саҥардар киэҥ хабааннаах үлэ орто анал үөрэх кыһаларыгар ыытыллара хайҕаллаах.
Арассыыйа бэрэсидьиэнэ Владимир Путин ыччаты рабочай идэҕэ хаачыстыбалаахтык үөрэтиигэ сүрүн болҕомтотун уурар. Маннык болҕомто дойдубут салайааччытыттан баара орто анал үөрэх тэрилтэлэрин үлэлэригэр улахан тирэх буолар.
Александра ПАВЛОВА (Николаева)