Сахалыы дьыктааны 10-с төгүлүн суруйдубут

Бэҕэһээ өрөспүүбүлүкэ үрдүнэн «Сахалыы дьыктаан» аахсыйа 10-с төгүлүн ыытылынна. Аан бастаан 2014 сыллаахха бастакы дьыктааны суруйбуппут. Үгэскэ кубулуйбут тэрээһиҥҥэ Кэмпэндээйигэ 18 киһи кыттыыны ылла. Аҕа баһылыкпыт Александр Игнатьев, оскуола үөрэнээччилэрэ, учууталлара, олохтоохтор норуот суруйааччыта Николай Лугинов «Чыркымай» кэпсээниттэн 220 тыллаах быһа тардыыны суруйдулар. Оскуола бибилэтиэкэрэ Ньургуйаана Федорова суруйааччы олоҕуттан кылгас иһитиннэрии кэнниттэн дьыктаан тиэкиһин ааҕан суруйтарда. Аахсыйаҕа кыттыбыт дьон бары национальнай бибилэтиэкэ туоһу суругун туттуллар. Түмүгү саха тылын нэдиэлэтин түмүктүүр киэһэҕэ иһитиннэриэхпит. Оҕолорго, улахан дьоҥҥо кыайыылаахтар Добун суруктары тутуохтара.

Татьяна МЕСТНИКОВА