Бүгүн тэрилтэ салайааччыларын планеркатыгар анал байыаннай эпэрээссийэҕэ ытык иэстэрин толоро сылдьар 2 буойуммут уоппускаларыгар кэлэ сылдьалларын ыҥыран чиэстээтилэр.
Бастатан туран, тэрилтэ салайааччылара уолаттарга баҕа санааларын эттилэр. Этэҥҥэ дьиэлэригэр кыайыы көтөллөнөн кэлэллэригэр баҕардылар. Оттон уолаттар саха саллааттара барыга бары сатабыллаахтарын, тулуурдаахтарын туһунан кэпсээтилэр. Дойдуларыттан төһө да ыраах сырытталлар, Сахаларын сирин, Сунтаары түһэн биэрбэт курдук дьаһаналларын туһунан эттилэр. Улуус дьаһалтатыгар, чуолаан баһылык Анатолий Григорьевка, көмөлөрүн, эпэрээссийэ буола турар сиригэр бэйэтинэн тиийэн көрсүтэлээн, кэпсэтиһэн санааларын бөҕөргөппүтүн иһин махтаннылар.
Байыастар дойдуларыгар кэлэн сынньанан, эбии күүс-уох ылан, бу субуотаҕа сулууспалыыр чаастарыгар төннүөхтээхтэр эбит.
Гаврил АНДРЕЕВ.