Ытыктабыллаах сааһыттар, СӨ Росгвардия салалтатын иһинэн Сунтаар оройуонун лицензионнай-көҥүллүүр үлэ салаата саа-саадах өттүгэр сокуону булгуччулаахтык тутуһаргытын санатар.
Сааны харайарга уонна илдьэ сылдьарга көҥүл ылбыт докумуоҥҥут болдьоҕун көрүнэ сылдьаҥ
Сокуон ирдиир болдьоҕор сааны харайыы уонна илдьэ сылдьыы көҥүлүн уһаппатах сааһыттар РФ административнай быраабы кэһии кодексатын 20.11 ыст. 1 ч., 20.8 ыст. 4 ч. уонна 20.10 ыст. олоҕуран, административнай миэрэҕэ тардыллыахтарын сөбүн, саалара полиция отделыгар харайыыга ылыллыахтарын сөп. Оннук түбэлтэ тахсыбатын туһугар сааҕыт көҥүлун болдьоҕо бүтүөн биир ый иннинэ, эбэтэр медицинскай хамыыһыйаны ааһан, ыспыраапка ылан баран, бириэмэтин сөһп түбэһиннэрэн, эрдэ саа көҥүлүн болдьоҕо ааһыан иннинэ уһатыыга докумуон туттарыаххытын сөп. Ону кытта атын кэмҥэ уһуохтаах сааларгыт көҥүлүн тэҥнии бииргэ туттарыаххытын сөп.
Сааны харайар уонна туттар кыахтааҕын бигэргэтэр медицинскэй ыспараапка болдьоҕо 5 сыл, ол болдьох бүтүөн иннинэ медицинскэй хамыыһыйаны ааһан иһиэхтээххит. Медицинскэй ыспараапка болдьоҕун аһардан, хойутатан кэбистэххитинэ эмиэ кэһии буолар, саа полиция отделыгар хараллыыга ылыллар, илдьэ сыдьар көҥүлгүт болдьоҕо дьиҥэ суох буолар.
РФ 1996 с. ахсынньы 13 күнүнээҕи 150 нүөмэрдээх саа сокуонугар, уларыйыы киирбитинэн, холуобунай дьыалаҕа эриллибит киһи реабилитация өттүнэн дьыалата тохтотуллубатах, холуобунай дьыалаҕа уорбаланааччы, буруйданааччы быһыытынан билиниллибит буоллаҕына уонна административнай кэһии миэрэтигэр ыстарааптан ураты, кылгас кэмҥэ көҥүлү хааччахтыыр миэрэни көрөр ыстатыйаларга көрүллүбүт киһи тутатына сааланар бырааба быстар (аннулирование), саата полиция отделыгар харайыыга ылыллар.
— Сааны харайарга уонна туттарга илдьэ сылдьарга көҥүлү 21 сааһын туолбут дьоҥҥо бэриллэр. Анал медицинскэй хамыыһыйаны ааһан, сааны туһанарга доруобуйата эппиэттиир эрэ дьон көҥүл ылар кыахтаах. Буруйу оҥорбут киһи сууттаммыт болдьоҕо ааспатах буоллаҕына көҥүлү ылбат. Икки төгүллээн сууттаммыт киһи саа көҥүлүн ылар кыаҕа суох, ону таһынан урукку өттүгэр ыарахан көрүҥнээх уонна ураты ыарахан буруйга сууттаммыт киһи эмиэ саа көҥүлүн ылар кыаҕа суох. Бастайааннай олорор сирэ суох киһиэхэ бу көҥүл эмиэ бэриллибэт. Психиатр, нарколог быраастарга учуокка турар дьон саата былдьанар, сааҕа көҥүл ылбаттар. Суут быһаарыытынан сааны-саадаҕы туһанар бырааба быһыллыбыт киһи саа ылар кыаҕа суох буолар.
— Булт көҥүлүн кэмигэр эрэ сааны илдьэ сылдьар көҥүллэнэрин умнумаҥ. Онтон атын кэмҥэ саа дьиэҕэ анал харайар тимир ыскаапка, туора киһи ылбатын курдук хатанан туруохтаах, күлүүһүн саа хаһаайына бэйэтэ эрэ илдьэ сылдьыахтаах. Дьиэ иһинээҕи дьон сиэйпэ күлүүһэ ханна баарын билиэ суохтаах. Сааны атын киһи тыытыа суохтаах. Сааны илдьэ сылдьарга анал хаалаах буолара ирдэнэр. Ботуруон саа иһигэр, саа хаатын иһигэр сылдьыа суохтаах. Ботуруон туһунан хааҕа сылдьыахтаах.
— Саалаах киһи саа туһунан сокуону билиэхтээх, тустаах уонна баар ирдэбиллэри барытын тутуһуохтаах. Сааны туттуу, илдьэ сылдьыы, харайыы улахан эппиэтинэстээх, хас биирдии сыыһа туттуу уопсастыбаҕа сэрэҕи үөскэтэр. Ону умнубакка, сааҕа сыһыаннаан туох да мөкү өрүттээх быһылаан тахсыбатын туһугар болҕомтолоохтук сыһыаннаһан, сэрэхтээхтик дьаһанан, саа көҥүлүн болдьоҕун көрүнэ сылдьалларыгар ыцырабыт. Сааны туһаныы, харайыы туһунан интэриниэт ситимигэр, хаһыат, тэлэбииһэр нөҥүө ааҕан, көрө-билэ сылдьаргыт наада.
Туох эмит ыйытыылаах буоллаххытына бу нүөмэргэ билсиҥ: 8964429778.
СӨ Росгвардия салалтатын иһинэн Сунтаар оройуонун лицензионнай-көҥүллүүр үлэ салаата