РФ Судаарыстыбаннай Дууматын Махтал суругун тутта

Математика учуутала, Бочуот Знага уордьан кавалера, тыыл, үлэ бэтэрээнэ,  учуутал династиятын төрүттээччи Иннокентий Колесников аатын үйэтитии улууспутугар мэлдьи барар. Кини аатынан араас олимпиада, НПК, о.д.а. ыытыллаллар. Олортон биирдэстэрэ,  Сунтаар 1 №-дээх орто оскуолатын математик, физик, информатика учууталларын тэрийиилэринэн улуус үөрэнээччилэригэр математикаҕа олимпиада бэһис сылын ыытыллар. Манна кыайыылаахтар мэтээлинэн, грамотанан наҕараадаланналларын таһынан харчынан эмиэ бэлиэтэнэллэр. Кыттааччы да элбэх буолар.

Бүгүн бу оскуолаҕа өр сылларга таһаарыылаахтык үлэлии сылдьар  үрдүкү категориялаах математика учуутала, физика, информатика, математика учууталларын методическай холбоһугун салайааччытыгар Анна Ивановаҕа РФ судаарыстыбаннай  Дууматын Махтал суругун улуус баһылыгын бастакы солбуйааччы Николай Александров туттарда. Анна Петровна улууска математикаҕа үгүс оҕону үөрэтэн, үрдүк билиини биэрэрин, олимпиадалары ситиһиилээхтик ыытарын сыаналаан туран, бу наҕараада туттарылынна.

 

Яина ВЛАСЬЕВА