Рената Максимова, ЯФЭК быйылгы выпускнига, быйылгы “Азия оҕолоро” оонньуу контролер-распорядителэ үлэ-хамнас туһунан кэпсиир:
— VIII “Азия оҕолоро” оонньууга контролердуу сылдьабын. Үлэбит куттал суох буолуутун хааччыйыыны кытта ыкса ситимнээх. Күрэхтэһии буолар сирдэригэр киирэр, тахсар ааннарга, трибуна иһигэр, кэнсиэртэргэ турабыт. Киирэр-тахсар дьону, спортсменнары көрөбүт. Көҥүллэммэти тугу даҕаны илдьэ киирбэттэрин курдук суумкаларын көрөттүүбүт, билиэттэрин бэрэбиэркэлиибит. Аан бастаан тэрээһин аһыллыытыгар үлэлээбиппит, манна контролердар бары турбуппут. Ол кэннинээҕи күннэргэ испииһэгинэн анаммыт сирдэргэ үлэлии сылдьабыт. Үлэбит сороҕор сарсыардаттан киэһээҥҥэ диэри, ардыгар эбиэккэ диэри буолар. Манна үлэлиир олус интэриэһинэй, сонун билсиһии, көрсүһүү. Элбэх саҥаны биллибит. “Азия оҕолоро” оонньуу олус үчүгэйдик буола турар.
Анна ИВАНОВА,
Марфа ИВАНОВА.