Аҕа дойдуну көмүскээччилэр күннэринэн Сунтаар 3 №-дээх оскуолатын орто сүһүөх 5- 8 кылаастарын үөрэнээччилэригэр «Знанием победишь! Умением покоришь!» интеллектуальнай оонньуу ыытылынна. Барыта 4 хамаанда — «Патриоты» (5-с кылаас), «Непобедимая четвёрка» (6-с кылаас), «Надежда» (7-с кылаас), «Голубые береты» (8-с кылаас) күрэхтэстэ. Дьүүллүүр сүбэҕэ Николаева А. Н., Дягилева М. В. үлэлээтилэр.
Оонньуу маҥнайгы түһүмэҕэр оҕолор самолёт оҥорон ыраахха көтүтүүгэ, эппилиэти санныга ууран түһэрбэккэ сүүрүүгэ, «Снайперы» диэн оонньууга мээчиги таба быраҕыыга, «бадарааны» «дулҕаларынан» түргэнник туоруурга көрдөөхтүк оонньоон күрэхтэстилэр. Иккис интеллектуальнай түһүмэххэ презентация нөҥүө: «Буду в Армии служить», «Полководцы» диэн тиэмэлэринэн ыйытыыларга хоруйдаатылар, «Много слов из одного»- биир тылтан элбэх тылы толкуйдаатылар. Бүтэһик «Пантомима» түһүмэххэ бэриллибит тыллары оҕолор хамаандалара түргэнник таайарын курдук араастык туттан-хаптан оонньоон көрдөрдүлэр.
Бары көхтөөхтүк кытыннылар. Кыттыбыт бары кылаастар анал аат хаһаайыннара буоллулар: «Интеллектуалы» — 5-с кылаас, «Ловкие, быстрые» — 6-с кылаас, «За волю к победе» — 7-с кылаас, «Дружная команда» 8-с кылаас хамаандалара. Добун сурук, минньигэс бириис тутан үөрдүлэр.
Лидия СЕМЕНОВА, оскуола педагог-бибилэтиэкэрэ