Балаҕан ыйын 16-с күнүгэр И.Г.Спиридонов аатынан Кириэстээх орто оскуолата “оБЕРЕГай природу” диэн “АЛРОСА” акционернай хампаанньа тэрийбит аахсыйатыгар кытынныбыт.
“АЛРОСА” акционернай хампаанньа биһиги нэһилиэкпитин кытары ыкса сибээстээхтик үлэлээбитэ хас да сыл буолла. Ол курдук “оБЕРЕГай природу” экологическай аахсыйа иккис төгүлүн буолан ааста. Хампаанньа айылҕаны харыстыыр отделын үлэһитэ Анна Кожина оҕолорго сэргэх кэпсэтиини, оонньууну ыытта уонна оҕолор интэриэстээхтэрин, киэҥ билиилээхтэрин бэлиэтээтэ. Ону таһынан аахсыйаҕа кыттар хас биирдии үөрэнээччигэ бэлэх, оскуолаҕа “Пчелка-У-био” үөрэтэр-чинчийэр мини-лаборатория бэлэх ууннулар. Итиэннэ буоларын курдук алмаас скверын аллараатынан Бүлүү эбэ кытылын хомуйдулар. “АЛРОСА” акционернай хампаанньа айылҕа харыстааһыныгар, оҕо сайдарыгар кылааттарын иһин махтанабыт.
Мария МИХАЙЛОВА,
дириэктэри иитэр үлэҕэ солбуйааччы