«Сунтаар сонуннара» хаһыат эрэдээксийэтэ былырыыҥҥыттан саҕалаан биһиэхэ үлэлээн-хамсаан ааспыт дьоммут ааттарын үйэтитэн, кинилэр тустарынан үтүө өйдүбүлү хаалларар сыаллаах, улуус биир бастыҥ үөрэнээччитигэр истипиэндьийэ олохтуур буоллубут. Былырыын маннык истипиэндьийэни улуус хаһыатыгар 40-тан тахса сыл үлэлээбит СӨ үтүөлээх суруналыыһа Иван Чагдинскай аатынан бириэмийэни Уһун Күөл оскуолатын бүтэрэр, төрөөбүт тылын дириҥник үөрэтэр, араас күрэстэргэ ситиһиилээхтик кыттыбыт биир бастыҥ үөрэнээччитигэр туттарбыппыт.
Сардаана Макарова
Оттон быйыл СӨ Бэчээтин туйгуна, элбэх кинигэ ааптара, «Көмүс бөрүө» лауреата, эдэр хаһыатчыттарга сыаналаах сүбэ-ама биэрбит, настаабынньыкпыт Лариса Алексеевна Семенова-Нуурал аатын үйэтитэн маннык бириэмийэни Кэмпэндээйи орто оскуолатын бүтэрэр бастыҥ үөрэнээччигэ, улуус, өрөспүүбүлүкэ, Арассыыйа таһымнаах күрэстэр лауреттарыгар, призердарыгар Макарова Сардаанаҕа анаатыбыт.
Биһиэхэ сүрүн успуонсарынан буолбут Нуурал бииргэ төрөөбүттэригэр Александра, Луиза, Розалия Алексеевналарга махталбыт улахан. Биһиги Нууралбыт аата, кини суруйуулара история биир кэрчик кэрэһитэ буолан үйэлэргэ сүппэт.
Яина ВЛАСЬЕВА