Арыылаахпыт нэһилиэгэр почта саҥа дьиэтэ үөрүүлээхтик аһылынна. Бэлиэ түгэҥҥэ аалай лиэнтэни нэһилиэк баһылыга Иван Игнатьев, улуустааҕы почта начальнига Ирина Егорова, нэһилиэкпит почтатын начальнига Светлана Аммосова быстылар .
Нэһилиэкпит баһылыга мустубут дьоҥҥо эҕэрдэ тыл эттэ. Маны сэргэ, бу күн
сэрии бэтэрээнэ Семенов Прокопий Тимофеевич төрөөбүтэ 100 сылынан
оҕолоро, сиэннэрэ өйдөбүнньүк ыскамыайка нэһилиэккэ бэлэхтээтилэр. Прокопий Тимофеевич кэргэнэ бу олохтон суох буолбутун кэннэ, элбэх оҕотун кытары соҕотох хаалан санаатын түһэрбэккэ, оҕолорун барыларын улаатыннартаан, үөрэхтээх дьон оҥортоон, сиргэ кэлбит ытык иэһин чиэстээхтик толорон, үлэлээн-хамсаан ааспыт олоҕо киһиэхэ барытыгар холобур буолуон сеп. Кыргыттара Августина уонна Арина Павловалар аҕаларыгар анаан суруйбут кинигэлэрин билиһиннэрдилэр уонна бибилэтиэкэҕэ бэлэх ууннулар.
Веталина Константинова,
«Сарыал» КК дириэктэрэ
