«Муус устар» бэстиибэл Саха сиригэр 2021 сылтан ыытыллар. Тэрээһин хайысхата эдэр талааннары арыйарга, өйүүргэ уонна өрө таһаарыыга олох араас хайысхаларыгар. «Муус устар-2024» быйылгы ыччат бэстибээлэ дойдубут бэрэсэдьиэнэ Владимир Путин биллэрбит Арассыыйаҕа Дьиэ кэргэн уонна Ил Дархаммыт Айсен Николаев дьаһалынан өрөспүүбүлүкэ Оҕо саас сылларын чэрчилэринэн ыытыллар.
Манна санатан эттэххэ, ааспыт бэстибээллэр түмүктэринэн дойдубут бэрэсидьиэнэ: «Муус устар» бэстибээл ураты киэптээх. Бэстибээл чэрчитинэн ыытыллар маастар-кылаастарга, дискуссияларга уонна куоҥкурустарга ыччат кыаҕын арыйар, эдэр дьон бэйэлэрин талааннарын көрдөрөллөр, араас эйгэҕэ ситиһиилэрин кэпсииллэр” диэн сыаналаан турар.
«Муус устар-2024» бэстибээл талар түһүмэҕэ олунньу 10 күнүгэр диэри ыытыллар, ол кэннэ иккис түһүмэҕэ олунньу 14-16 күннэригэр уонна олунньу 17 күнүгэр кыайыылаахтары наҕараадалааһын Дьокуускай куоракка «Триумф» стадиоҥҥа ыытыллыа.
«Муус устар-2024» бэстибээлгэ Сунтаар улууһун ыччаттара «Искусство-творит!», «Стартуй к бизнесу!», «Вперёд к победам!», «Моя семья — моя Россия!», «ЭТнО-МЫ!» хайысхаларга кыттыахтара диэн ыччат отдела иһитиннэрдэ. Улууспут ыччатыгар улахан ситиһиилэри баҕарабыт!
Дмитрий ЫМЫЧАНОВ.