Элгээйи орто оскуолата хаһыс да сылын улахан кылаас уолаттарыгар муҥха тэрийэн ыытар үгэстээх. Быйыл эмиэ маҥнайгы чиэппэри түмүктүүр күҥҥэ үөрэнээччилэр, оскуола кэлэктиибэ, нэһилиэк олохтоохторо кыттыылаах муҥха тэрилиннэ. Ону тэҥэ дьон-сэргэ Кэмпэндээйиттэн тиийэ кэлэн барыта 70-тан тахса киһи мустан үчүгэй муҥха буолла.
Муҥха тэрээһининин сүбэлээн илдьэ сылдьыбыт бэтэрээн учууталлар Николай Макарович Семёнов уонна Савва Константинович Винокуров буолаллар. Бу күн сылаас аһынан, чэйинэн оскуола повардара хааччыйдылар.
Халлаан туран биэрэн, күөх боллох «мичик» гынан мустубут дьон өттүк харалаах тарҕастылар.
Муҥха хаһаайыныгар Николай Ляшеевка, оскуола кэлэктиибигэр, сылаас астаах повардарга, тиэхиньикэнэн таспыт оскуола суоппарыгар төрөппүттэр ааттарыттан барҕа махталбытын тириэрдэбит.
Мария ЯКОВЛЕВА