Моруос Оҕонньор төрөөбүт күнэ

Бүгүн, сэтинньи 18 күнүгэр, Арассыыйаҕа Моруос Оҕонньор төрөөбүт күнэ бэлиэтэнэр. Бу бырааһынньыгы оҕолор көҕүлээһиннэринэн, 2005 сыллаахтан Улуу Устюг куоракка бэлиэтиир буолбуттара. Бу күнтэн Улуу Устюг куоракка бастакы кыһыҥҥы тымныылар түһэллэр, дьиҥнээх кыһын кэлэр. Ол да иһин бырааһынньык күнэ мээнэҕэ буолбатах. Моруос Оҕонньор үгэс быһыытынан, олорор сириттэн саҕалаан дойду устун саҥа дьыллааҕы айаҥҥа турунар. Оттон Сахабыт сиригэр «Кыһын Саха сириттэн саҕаланар» бэстибээлгэ Чысхааны кытары көрсүһүүлэрэ эмиэ биир умнуллубат түгэн буолар.

Бу күнү улууспутугар бары уһуйааннарга бэл, хас биирдии ыалга оҕо-аймаҕы үөрдээри уратытык көрсөллөр. Ол курдук, Уһун Күөл «Сулусчаан» иитиллээччилэрэ Моруос Оҕонньорго сурук суруйан маска ыйаатылар. Оттон, Сунтаардааҕы 7-с нүөмэрдээх «Солнышко» уһуйааҥҥа уонна Аллыҥа нэһилиэгэр кырачаан Добун Ивановка Моруос Оҕонньор ыалдьыттаан ааста. Добун ийэтэ Надежда Иванова этэринэн, оскуолаҕа ыксыыр эдьийдэрин тутан ылан, Моруос Оҕонньор таҥаһын кэтэрдэн, оҕолорго бадаарак бэлэмнии баран иһэр гына видеоҕа уһулбуттар. Оҕо барахсан туохха барытыгар итэҕэйэр эрээри, бу сырыыга Добун: «Тоҕо эдьиий курдук саппыкылааҕый?»,- диэн эмиэ да сонньуйан, эмиэ да үөрэн олоххо эмиэ биир умнуллубат көрүдьүөс түгэн буолла.

Елизавета ТИТОВА