Сайыына Петрова – Күндэйэттэн тɵрүттээх, олус күүстээх санаалаах, айылҕаттан дьоҕурдаах, үгүс дьоҥҥо холобур буолар кыысчаан. Кинини куйаар ситимигэр дьон-сэргэ кэрэни кэрэхсээччинэн, үтүɵнү үксэтээччинэн киэҥник билэллэр. Сайыына биир күн макияжка үɵрэтиэн сɵп, иккис күн сылдьыбыт тэрээһинин арылхайдык сырдатыан сɵп, онтон үһүс күн олоххо тардыһыылаах буоларга ыҥырыаҕа.
Тɵрүɵҕүттэн доруобуйатынан хааччахтаах кыыс, бэйэтин түɵрт истиэнэҕэ хаайан кэбиспэккэ арааһынан дьарыгырар. Кыратыттан уруһуйдуур, ол айымньыларынан хаста да быыстапка тэрийбиттээх. Билигин куйаар ситимин нɵҥүɵ блогун сайыннаран элбэх киһиэхэ холобур буолар. Сайыына бу сɵбүлүүр дьарыгар, туох баар саҕалааһыныгар кɵмɵ буолар дьонунан тɵрɵппүттэрэ, аймахтара, дьүɵгэлэрэ буолаллар. «Айылҕаттан ураты оҕо бэлэх кэлэн, кини дьолун туһугар барытын оҥоробут», — диэн ийэтэ Татьяна Петрова санаатын үллэстэр.
Кэнники икки сылга Сайыына кэриэй омук тылын үɵрэтэн холкутук саҥарар. Кини ырата хаһан эмэ Кореяҕа күүлэйдии барар санаалаах, үп уонна кыах эрэ тиийдэр. Ол баҕата туолан Сайыына сырдатыыта кэҥиэ, сайдыа да этэ…
Тускулаана Горохова-Кобельянова