Бүгүн тохсунньу 30 күнүгэр Арыылаах агрохайысхалаах оскуолатыгар Улуу Кыайыы 80 сылын көрсө «Кыайыы күнүгэр диэри 100 күн хрониката» диэн оскуола иһинэн бырайыагы саҕалыыр үөрүүлээх түгэн буолан ааста. Дириэктэри иитэр үлэҕэ солбуйааччы Надежда Петрова бырайыак сыалын-соругун, туох тэрээһиннэр ыытыллыахтарын туһунан сырдатта уонна хас биирдии кылааска сорудахтардаах бакыаттары туттартаата.
Бу күнтэн саҕалаан сүүс күн устатата туох үлэ барбытын, бэлиэ түгэннэрин сырдатар матырыйааллар күн аайы бэчээттэнэн көстөр сиргэ ыйаныахтара. Кыайыы күнүгэр ыытыллыбыт үлэ түмүллэн, альбом буолан оскуола түмэлигэр харалтаҕа бэриллиэ.
Надежда ПЕТРОВА,
дириэктэри иитэр үлэҕэ солбуйааччы