Сунтаарга медиссиинэ эйгэтигэр олохторун тухары бэриниилээхтик үлэлээбит уонна утумнаахтык үлэлии сылдьар Кузнецовтар дьиэ кэргэн династиялара буолар. Сахабыт сирин биллиилээх династиятын аҕа баһылыга — Карл Гаврильевич Кузнецов. Мэдиссиинэ эйгэтигэр 158 сыл 4-с көлүөнэ медиктара дьон доруобуйатын харыстабылыгар күн бүгүн кинилэр оҕолоро, сиэннэрэ үлэлии-хамсыы сылдьаллар. Оттон бу соторутааҕыта Арассыыйаҕа дьиэ кэргэн сылын чэрчитинэн өрөспүүбүлүкэ профсоюһа медиссиинэ эйгэтигэр үлэлии сылдьар дьиэ кэргэннэргэ хаартысканан куоҥкурус тэрийбитэ. Манна Сунтаардааҕы киин балыыһа учаскуобай терапевынан, функиональнай хос бырааһынан үтүө суобастаахтык үлэлээбит Елена Карловна Кузнецова дьиэ кэргэнэ өрөспүүбүлүкэтээҕи Дьиэ кэргэн сылын чэрчитинэн ыытыллыбыт “Династия врачей” диэн хаартыска күрэһигэр кыайыылаах үрдүк аатын ыллылар. Бу үөрүүлээх түгэнинэн биир дойдулаахтарбытын истиҥник эҕэрдэлиибит.
Алена ИВАНОВА
(хаартыска Сунтаардааҕы киин балыыһа телеграм каналыттан ылылынна)