Бүгүн, алтынньы 29 күнүгэр, Ленинскэй комсомол 106 сылын туолла. Бырааһынньыгы бэлиэтиир тэрээһин чэрчитинэн, Комсомоллар пааматынньыктарыгар миитин ыытылынна. Манна Сунтаар улууһун ыччаттара, комсомол бэтэрээннэрэ муһуннулар.
Миитиҥҥэ Сунтаар улууһун ыччат политикатын отделын начальнига Трофим Иванов Сунтаардааҕы технологическай колледж устудьуоннарын кытыннарда. Миитиҥҥэ Сунтаар улууһун бэтэрээннэрин сэбиэтин бэрэссэдээтэлэ, Ис дьыала бэтэрээнэ уонна урукку өттүгэр комсомолскай тэрилиэ активын чилиэнэ Афанасий Васильев, урукку кэмнэргэ комсомол Сунтаардааҕы райкомун 2-с сэкиритээрэ Савва Саввинов, урукку кэмнэргэ хомунньуус партиятын Сунтаардааҕы райкомун аппаратын үлэһитэ Владимир Петров, атыы-эргиэн бэтэрээнэ, “Алгыс” бэтэрээннэр кулууптарын актыыбынай кыттаччыта, 1958 сылтан комсомол чилиэнэ Мария Прокопьева, Ис дьыала отделын бэтэрээнэ, эдэр сааһыгар комсомол Сунтаардааҕы райкомугар инструкторынан үлэлээбит Владимир Афанасьев уонна Сунтаардааҕы Ис дьыала отделын уопсастыбаннай сэбиэтин бэрэссэдээтэлэ, урукку өттүгэр «Сунтаар»сопхуос комсомольскай тэрилтэтин салайбыт Альбина Прокопьева ахтыылары оҥордулар.
Тэрээһиҥҥэ бэтэрээннэр 4 хорсун комсомолга анаан бу пааматынньык тутуллубутун туһунан ыччаттарга сырдаттылар, урукку кэмнэри санаан ыллылар, эдэр ыччатарга комсомол историятын кэпсээтилэр уонна эдэр көлүөнэҕэ сүбэлэрин-амаларын, кэс тылларын эттилэр.
Дмитрий ЫМЫЧАНОВ