Майаҕа өрөспүүбүлүкэтээҕи ХХ педагогическай дьаарбаҥкаҕа «Волонтеры Саха» уопсастыбаннай тэрилтэ салайыытынан «Анал байыаннай дьайыыга педагогическай уопсастыбаннас көмөтө» диэн былаһаакка үлэлээтэ. Бу былаһааккаҕа саллааттарга аналлаах сеткалары, нашлемниктары, чүмэчини оҥорууга бары педагогтар кытыннылар. Сунтаардааҕы технологическай колледж кэлэктиибэ (дириэктэр Гаврил Михайлов) хомуйбут гуманитарнай көмөтүн туттарда.
Педагог Николай Иванов «Арассыыйа дьоруойдара» диэн патриотическай иитиигэ аналлаах бырайыагын билиһэннэрдэ. Икки Арассыыйа Дьоруойдара Филипп Евсеев, Дмитрий Егоров Сунтаардааҕы технологическай колледжы бүтэрбиттэрэ. Колледжы бүтэрбиттэртэн элбэх киһи анал байыаннай дьайыыга сылдьар.
«Сунтаар сонуннара» хаһыат